Ցուցահանդեսին մասնակցում էին ՀՀ մշակույթի նախարար Լիլիթ Մակունցը, Հայաստանում ԵՄ պատվիրակության ղեկավար, դեսպան Պյոտր Սվիտալսկին, այլ դեսպաններ, մշակութային գործիչներ, հյուրեր: «Ցուցահանդեսը մեզ՝ բոլորիս, ևս մեկ անգամ հնարավորություն է ընձեռում ծանոթանալու սարյանական խորը աշխարհընկալմանը:
Այսօր ներկայացված են Սարյանի փարիզյան շրջանի գործերը, որոնք նա ստեղծել է այնտեղ անցկացրած երկու կարճ տարիների ընթացքում և դրանք մեզ ծանոթ են միայն լուսանկարների միջոցով»,- ողջույնի իր խոսքում նշել է Լիլիթ Մակունցը:
Նկարչի այս գործերը, ցավոք, այժմ չկան. Փարիզից տունդարձի ճանապարհին Ֆրիժի նավի վրա բռնկված աղետալի հրդեհի պատճառով: Ցուցահանդեսում առաջին անգամ ցուցադրվում են Վարպետի հայտնի «Գազելներ» կտավը` Մոսկվայի պետական Տրետյակովյան պատկերասրահի հավաքածուից, ինչպես նաև «Կովկասյան քաղաքի փողոց. Թիֆլիս» կտավը (1927 թ.)։
Լիլիթ Մակունցը շրջել է սրահում, դիտել ներկայացված գործերը:
Ցուցահանդեսը կգործի մինչև սույն թվականի նոյեմբերի 14-ը:

Հունիսի 14-19-ը, ԳԱԿ. Փոքր Թատրոնի ստեղծագործական խումբը՝ «Art Alive!» նախագծի շրջանակներում, Հայաստանում Ամերիկայի դեսպանատան աջակցությամբ, Երևանի վեց թանգարաններում կներկայացնի իմերսիվ ներկայացումների շարք (Սարյանի Տուն-Թանգարան, Երվանդ Քոչարի Թանգարան, Հայաստանի Ազգային Պատկերասրահ, Գաֆեսճյան Արվեստի Կենտրոն, Կալենց Թանգարան, Arev Art Պատկերասրահ):
Ներկայացումների ընթացքում, արդեն հայտնի դարձած արվեստի ստեղծագործությունները, հանդիսատեսին կներկայանան բոլորովին այլ մեկնաբանմամբ և արվեստի այլ արտահայտչամիջոցների օգտագործմամբ: Հանդիսատեսի աչքի առջև «կենդանացող» ստեղծագործությունները՝ նոր շունչ և բովանդակություն կհաղորդեն թանգարանային միջավայրին, լիցքավորելով այն անսպասելի զգացողություններով ու նոր տպավորություններով:

Հայաստանի առաջին հանրապետության և մայիսյան հերոսամարտերի 100-ամյակին նվիրված համերգ և ցուցահանդես: Մասնակցությամբ` Ղ.Սարյանի և Հ. Դանիելյանի անվան արվեստի դպրոցների սաների: